جوجل السنه دى تعتبر قدمت مميزات جديده و قويه بعكس اخر سنتين اللى كانت فيهم التغيرات شبه مش ملحوظه..
-بالنسبه للواجهه فجوجل السنه دى عامله تغيرات كتير فيها اخيراً وجايه بلغه تصميم جديده سميتها Material You بتقدم مميزات كتير جديده أهمها انك تقدر تعدل على حاجات اكتر فى الواجهه ال widgets و هيكون فيه ثيم للنظام ككل من ناحيه الالوان تقدر تختاره و تعدل عليه براحتك ، وهيتم دعم لغة التصميم دي في Flutter النسخه الجايه..
- و بالنسبه للخصوصيه و الامان فجوجل السنه دى اخدت ميزه الاشعار الصغير اللى من فوق اللى بيعرفك اذا كانت الكاميرا او المايك شغالين و لا لأ من ابل و حطيتها فى اندرويد 12 ..
- وكمان فيه شويه اضافات جديده زى انك تقدر تعطل وصول التطبيقات للكاميرا من الاشعارات فوق..
- بالنسبه لنظام الاشعارات فى جوجل فهو اتغير بشكل كامل برضو و جوجل غيرت تصميم النوتفيكشن سنتر و اللوك اسكرين من الاول..
- فيه شويه مميزات جديده برضو جوجل اعلنت عنها زي ميزه haptic-coupled audio اللى بتخلى التطبيقات تقدر تتحكم فى ماتور الفايبرشن و يهتز بشكل مختلف و ده هيساعد في تقديم تجربه لعب احسن مثلا وهتحس ان الموبيل بيتفاعل مع اللعبه نفسها..
اندرويد 12 بقى متاح من انهارده بشكل تجريبى لموبيلات البيكسل و كمان هيوصل لموبيلات اكتر من شركات زى شاومى و اوبو و ريلمى وشركات تانيه وتقدر تشوف موبايلك مدعوم للنسخه التجريبيه ولا لأ من اللينك ف الكومنت تحت
تقدر تشوف جهازك نزل ليه النسخه التجريبيه ولا لأ من هنا
لو الرابط مش شغال هتلاقي الرابط في اول تعليق تحت
0 تعليقات
أخي الزائر قبل التعليق تذكر قول الله تعالي " مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ " فأي تعليق مسئ لصاحبه وليس لكاتب المحتوي .
Emoji