إزاي تضحك على الالجوريزم بتاع الفيسبوك؟ | تكنو سيكيوريتي

قد تكون صورة لـ ‏نص مفاده '‏GAZAUNDERATAACK PALESTINE AZAUNDERATAACK *ALESTINE 1 إخدع الألجوريزم الطريقة الأفضل لخداع الجوريزم الفيسبوك بدون التعرض للحظر تكلم) عن فلسطين كما .(تشاء‏'‏

بص هو الموضوع ده شاغل دماغي بقالي كام يوم اهو، اللي هو ازاي اقدر اكتب عربي مفهوم لأي حد عادي (بدون صعوبة في القراءة) وفي نفس الوقت الجوريزم الفيسبوك ماتقدرش تفهم انا كاتب ايه

واللي وصلتله في النهاية حاجة اتعلمناها في بداية البرمجة خالص، بالنسبالي معلومة عارفها من 2014 وهي الـUnicodes عامةً وازاي الحروف بتتعرض من الأساس!

ببساطة، دلوقتي حرف زي الـ "أ" مثلًا ليه Unicode معين وهو الـ"U+0623"، ولكن رسمًا فـ في شبيه للحرف ده وهو الـ "ٲ" وبـUnicode مختلف تمامًا وهو الـ"U+0672"، وبكدة بالنسبة للكمبيوتر الحرفين دول مالهومش علاقة ببعض تمامًا! ودي اول نقطة

النقطة التانية، ان اللغة العربية مش هي الوحيدة اللي رموزها بالشكل اللي احنا عارفينه، هي لغة من اللغات السامية وفي كذا لغة من نفس العيلة فيها رموز متشابهة جدًا مع الرموز بتاعتنا، وبالتأكيد ليها Unicode مختلفة برضه! ودي النقطة التانية

كدة انا بقيت قادر ارسم لأي حد على الشاشة نفس شكل الحرف العربي اللي احنا عارفينه عادي او حتى شكل بيحاول يحاكيه، وبالنسبة للكمبيوتر مش هيقدر يعرف الحرف اللي انا اقصده ايه، هو مش بيتعامل معاه بنفس الطريقة بتاعتنا احنا دي

فـ بالفعل فيه تطبيقات بتقدم ميزه انك تكتب بدون حروف و فيه مواقع و برامج

بتاخد الكلام العربي بتاعنا ده تحلله للحروف بتاعته، وبتعمل ليستة تانية فيها الحرف والشكل اللي شبهه، وبتدأ تحول الحروف دي للأشكال التانية بـUnicode تاني ولفي بينا يا ألجوريزم الفيسبوك!

طبعًا في حروف مش بتقدرت تجيب شكل مشابه ليها، وهنا ماتعتبرش مشكلة، لأن الفيسبوك بيتعامل مع البوست ككلمات مش حروف، فـ لو في حرف واحد بس متغير الكلمة معناها كله هيتغير! وهو المطلوب.

بس كدة، دي تجربة بسيطة حبيت اشاركها معاكم، اللي عاوز يكتب بوست بعد كدة وخايف ياخد حظر من الفيسبوك، ممكن انه يستخدم اللينكات اللي هجطها في المقاله تحت ويبدأ يكتب فيه الـText اللي هو عاوزه، وياخد الكلام المتشفر Copy ويرفعه ع الفيس زي ما هو عايز!

ال

وبس كدة، ربنا يعين اهلنا في غزة واللي يقدر يساعد بأي حاجة يساعدهم، هم في أمس الحاجة للدعم واحنا في أمس الحاجة للحسنات

معک فلىىىـطین ڦلبًا وڦالبًا ۻد العدو المحٺل.

الموقع الاول

موقع لتشفير الكلمات قبل النشر على مواقع التواصل الاجتماعي من تصميم الأحبة في أرض الكنانة لدعم إخوتنا في #فلسطين

تم إنشاء موقع تجاوز لتيسير عملية النشر علي مواقع التواصل الإجتماعي وتشفير الكلمات التي تحظرها تلك المواقع.

استخدام الموقع بسيط: فقط ضع النص الذي تريد نشره وأختر الكلمات التي تريد تشفيرها وسيتم تحويلها لنص غير مفهوم آلياً ومقروء من قبل الناس، ثم إضغط علي إحدى التشفيرات المتاحة لنسخها ونشرها.

رابط الموقع:

https://tajawz.com