في 2016 بنت أمريكية أرسلت موبايلها بتاعها لأحد شركة الصيانة المتعاقدة مع شركة موبايلات مشهورة.. اتنين من الموظفين هناك وجدوا صور عارية للبنت فرفعوها من الموبايل لحسابها على فيسبوك (بحيث يظهر الموضوع إن البنت هي اللي نشرت الصور على حسابها).
البنت رفعت قضية على شركة الموبايل وخدت تعويض عدة ملايين (في حدود 5 مليون دولار حسب ما قرأت).
امبارح فقط اتعرف إن الشركة كانت "آبل" لأن اسم الشركة كان سري طول الفترة اللي فاتت وتم كشفه فقط بعد ما شركة الصيانة رفعت قضية هي كمان على شركة التأمين اللي رفضت تدفع المبلغ.
المهم من القصة دي هو التنبيه يا ريت محدش يحتفظ بصور يخاف حد تاني يشوفها سواء على الموبايل أو الكمبيوتر أو أي جهاز..
الأجهزة الإلكترونية ممكن تتعرض للسرقة، للاختراق، ممكن تحتاج صيانة وساعتها الصور هتبقى تحت تصرف طرف آخر محدش عارف أخلاقه عاملة ازاي.. وكل فترة بسمع عن فضايح ما يعلم بيها إلا ربنا.
0 تعليقات
أخي الزائر قبل التعليق تذكر قول الله تعالي " مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ " فأي تعليق مسئ لصاحبه وليس لكاتب المحتوي .
Emoji