صباحكم فل !
انا جي النهارده اديك 3 اسرار للنجاح بس بجد مش من بتوع الكتب !
-
1 - أول سر هو "الوقت" , الوقت ده عامل غريب جداً يعني مثلاً لو صاحي بليل هتكتأب , لو صاحي الصبح بدري هتحس بنشاط غريب وطاقة حتي لو انت منمتش كويس , فـ لم تيجي تسهر تذاكر وتلاقي نفسك في الاخر عبارة عن جوز هند متحركة خاوية العقل , يبقي انت كده فهمت السبب ايه
بلاش نضحك علي بعض انا جيلك من كل العوالم الموازية وكل الازمنة وبقولك مفيش حاجه اسمها " من طلب العلي سهر الليالي " الكلام ده علي قهوة ام كلثوم في الحسين
_
2- تاني سر هو "المكان" , جرب جيب اللاب بتاعك واقعد في Workspace هادية وفيها ناس بتشتغل وكل واحد في حاله وبيفكر في مسائل رياضة
وفي نفس الوقت اقعد في البيت في الصالة وسط ريحة الطبيخ واهلك واختك وهي بتلعب باور رينجر مع ولاد الجيران ( ربنا يخليلنا اهلنا جميعاً )
وشوف ناتج مذاكرتك عامل ازاي , الاهل حلوين وكويسين والاختلاط بيهم الدائم هو الصح بس وقت المذاكرة والتعب ده وقت الانعزال الصحيح
_
3- تالت سر هم "الاشخاص" , عايزك تحيط نفسك شهر بناس بتسمع عمار حسني وبتقطع شراينها وفي نفس الوقت ناس بتنزلي علي قهوة 24 ساعة وخروجات وهئ ومئ , وشوف الناتج , تفكيرك هينزل وهينحط جداً
فلوسك في الـ نازل من كتر الخروجات ( وحتي لو مبتخرجش )
ووقتك ضايع ومذاكرتك 0 - الاشخاص الـ حواليك هم السر الكبير الـ بيخلي في طاقة بيخلي في امل بيشجعوك بيحمسوك , حرفياً بيكونوا سبب ان شعلة النجاح الـ جواك دي تبقي نار تاكل كل سور فشل حواليك
_
دلوقتي انا اديتك 3 اسرار من اهم اسرار النجاح , وريني هتعمل بيهم ايه !
_
وَأَنَا اخْتَرْتُكَ فَاسْتَمِعْ لِمَا يُوحَى
0 تعليقات
أخي الزائر قبل التعليق تذكر قول الله تعالي " مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ " فأي تعليق مسئ لصاحبه وليس لكاتب المحتوي .
Emoji