شركة TrendMicro الشهيرة والمتخصصة في أمن البيانات والمعلومات نشرت تقرير عن مجموعة من الثغرات الخطيرة الموجودة في تطبيق شيرات واللي من خلالها ممكن يتم تحميل تطبيقات لموبايل المستخدم بدون علمه وكمان سرقة ملفاته من الموبايل وبلاوي تانية..

الشركة حاليا نشرت تقرير بالثغرات الأمنية في التطبيق وطريقة استغلالها كنوع من الإثبات.. خصوصا بعد ما تواصلت مع مطوري التطبيق لإصلاح الثغرات؛ ولكن لمدة 3 شهور لم يتم إصلاح المشاكل الأمنية في التطبيق.
لو بتدور على حاجة بديلة أنصح بتطبيق Google Files وهو تطبيق من تطوير شركة جوجل بيسمح لك بمشاركة الملفات على بين الموبايلات بسرعة تصل إلى 480 ميجابت في الثانية، كمان تقدر تستخدمه بدون إنترنت وسرعته في النقل بتكون ممتازة.
التطبيق برضه بيوفر أداة لتنظيف الموبايل وحذف الملفات الغير هامة ومخلفات النظام، وتقدر برضه تستخدمه كمشغل ميديا للفيديو والصوت وأنواع تانية من الملفات.